الثلاثاء، ٢٧ نوفمبر ٢٠٠٧
التاج علينا حق ..بس الجواب
بسم الله الرحمن الرحيم
جالي تاج من عند الاخت اصرار أمل الله يكرمها
واليكم التاج بالتفصيل
س: لو مكنتش مصري بس عربي
كانت هتبقى إيه نظرتك للمصريين واللي بيحصل في مصر دلوقتي؟
طبعا قبل كل شيء كلمة عمنا مصطفى كامل " لو لم أكن مصريا لوددت أن أكون مصريا " ودي ياجماعة الواحد حس بنعمتها والله لما بيشوف بقية الاخوة العرب
الشاهد .. نظرتي للمصريين كشعب شعب عظيم في مجمل تاريخه
فالشعب الذي يمتدحه رسول الله صلى الله عليه وسلم " بأنهم خير أجناد الارض " لا شك أنه شعب عظيم
ويكفينا شرفا أن نكون أخوال اسماعيل عليه السلام واصهار رسول الله صلى الله عليه وسلم
لكن أيضا
المصريين الحاليين - ال 70 مليون - اللي موجودين دلوقتي
بياخدوا جزء من الصورة
وهو جزء سيء
نظرتي ستكون
شعب خانع قبل بالظلم واستكان له وعاش في ظلماته مكسور الانف مهان الكرامة
أما اللي بيحصل في مصر
فحقيقة دي سنة كونية يجريها الله تعالى على اهل مصر م
وهذا من ناحيتين
الاولى : وان تتولوا يستبدل قوما غيركم
لم نعد نحن رؤساء العرب والمسلمين كما هي عادة مصر ...
الثانية : وهي الاهم " ان الله لا يغير ما بقوم حتى يغيروا ما بأنفسهم " هذه هي السنة القائمة بأهل مصر
فالحالة التي تعيشها البلاد لن ترفعها أكف الداعين الى الله تعالى ان يخفف على اهل مصر وطأة ما هم فيه
انما القانون الالهي معروف " ان الله لا يغير ما بقوم حتى يغيروا ما بأنفسهم " فالنتيجة متعلقة بتحققه
ولكن كعربي مسلم
أدعو الله تعالى ان يفيق اخواني المصريين من غفلتهم ويعودوا الى ربهم
"العجيب يا جماعة ان عامة الشعب معلقة أمل على الاخوان ..والاخوان بيقولوا الشعب هيسيبنا عند أول مطب
ومايزال الشعب يعتقد أن هناك رجل اللحظة الاخيرة ليخلصهم مما هم فيه " شكلهم عايزين مسيح مخلص هما كمان
-----------
كنت أوروبي أو غير مسلم بردو إيه نظرتك للعرب والمسلمين؟
السؤال بـ " لو " والجواب :
هقول ايه غير بكل صراحة النظر بعين الاحتقار لأناس قبلوا الذل وكل انواع الامتهان
من أجل لقمة عيش
ياخي تتحرق لقمة العيش اللي تيجي بذل النفس
--------------
قالولك بقيت رئيس جمهورية هتعمل ايه ؟؟
ياسلام الله أكبر ولله الحمد
مش عارف الشعور ده مسيطر عليا الكام يوم دول اني عاوز أ[بقى رئيس
" بحر الاماني لا ساحل له "
والله هعمل حاجات كتير
من كترها مش عارف اكتب ايه ولا ايه
بس بصراحة هجيبلي عربية بي ام دبليو أصلي بحبها أوي
وياسيدي يبقوا بخصموها من مرتبي على طول الفترة الرئاسية
هجمع رؤساء الفساد في كل مكان
وهجردهم من أموالهم
وهضخها في ميزانية الدولة
وأفرفش الناس وانعشهم اقتصاديا
باختصار عشان مطولش
هريح الناس اقتصاديا الاول
وبعد كده ربنا يفرجها
حبة في الامور السياسية بعدين الامور العلمية بعدين العلاقات الدولية ... وهكذا
بس تعرفوا أنا ليه بتمنى كده ؟؟
مش عشان شيء الا اني باخد ثواب على هذه النية وانا قاعد في بيتنا
بكل أشكال الخير اللي ناوي أعملها
ولحبي لهذا الخير وتمنيّ أن أعمله
-----------
كان ينفع ترجع طفل تاني وتخليك طفل علطول هترجع؟ وليه؟
والله هو الواحد لما بيفتكر نفسه وهو صغير بيحس انه كان عبيط أوي
لكن أنا الحمد لله لطالما كنت مميزا أثناء صغري
" أختي الله يكرمها بتقولي أنا لو شفتك وانت صغير من غيرك مكنت أعرفك كنت هقول انت هيبقى ليك شأن ان شاء الله "
وجه يضحك وفيه سنة مكسورة
من حلاوة الروح
أصل امي مرة ونا صغير وكانت شايلاني وماشية بيا في المحلة راجل كبير وقفها وسألها على اسمي فقالتله محمد قال لها هيكون له شأن ؟؟؟
نسأل الله ذلك
دعواتكم يا جماعة
هرجع صغير لأني الحمد لله كنت فعلا أميز طفله قابلته في حياتي
من ناحية الثقافة والجرأة - مش الشجاعة وكده - لا حاجة تانية
أصلي ككنت كل ما اقعد في مجلس في علماء أو دكاترة أصدقاء الوالد
مش أقعد ساكت
أبدا ازاي أعمل كده ده يبقى حرام
أشوف كل واحد تخصصه ايه
واروح أدورله على أعوص حاجة في تخصصه - في حدود معرفتي - واقوم خابطه سؤال وهكذا بالدور
وأبويا يقولي اسكت ياولد
...
وهكذا
لكن أ[قى صغير على طول لا ياعم
الكبير كبير
مع ان الصغر فيه براءة ربانية من الذنوب
الا ان الكبر فيه اضطلاع أكبر بهموم الامة
لعل الله أن يهيأ لأمة أمرا
-----------
إنت طبيب وعندك مريض ميؤوس من حالته أيهما تفضل انك تصارحه بالوضع وتقوله كل شيء بأمر الله في الاخر ولا تغرس فيه الامل لغاية لما يموت؟
شوفوا يااخواننا
أنا من أصحاب الامل لآخر لحظة
والامل في الله كبير
بس
-----
سمح لك برؤية الرسول عليه الصلاة والسلام وإنك تقوله كلمة واحدة بسأو جملة واحدة بس هتكون إيه؟
سؤال هيج قلبي شوقا لسيدي رسول الله صلى الله عليه وسلم
" أحبك ياسيدي أكثر من أهلي ومالي ونفسي والناس أجمعين "
اللهم لاتحرمني رؤيته لا في الدنيا ولا في الاخرة
يارب منّ عليا برؤيته
يارب أسألك بعزتك ألا تحرمني بذنوبي من شرف رؤيته
صلى الله عليه وآله وسلم
باحبيبي يارسول الله
-----------------
خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟
تعرفوا المشكلة هنا ايه
أنا الولد الوحيد لأبي وامي - الله يديهما الصحة - فنرجوا من الله أن يرزقنا ذرية صالحة
لكن للأمانة هعرفها اني هتجوز عليها فيي يوم من الايام عشان حقي الشرعي في الخلفة
وحق أهلي في احفادهم
وده ميزعلش
أنا عارف اني شايف المسألة من جانب واحد
لكن المشكلة كما قلت أن المسألأة تتعدى ان تكون ملكا لك وحدك
-----------
طلعت القمرهتكتب إيه عليه؟طلعت القمرهتكتب إيه عليه؟
لا اله الا الله محمد رسول الله صلى الله عليه وسلم
وهسيب سجدة يشهد لي هذا المكان يوم القيامة
--------------------
نا في عصر ازدهار الأندلس كنت تتخيل نفسك إزاي؟
سؤال جميل
كنت هتخيل نفسي وانا في نفس سني ده
اني طالب علم قاعد في الظاهرية ولا في البيبرسية ولا في جامع قرطبة
قاعد بتنقل من روضة الشيخ الفلاني الى الشيخ الفلاني وهكذا
ل اتخيل نفسي أكثر من طالب علم
ربنا يهيدني ويجعلني طالب علم
------------------
أنا مررت التاج ده لحد وما جاوبش عليهأعمل فيه إيه؟أنا مررت التاج ده لحد وما جاوبش عليهأعمل فيه إيه؟
والله أخوكم معارفه من المدونين قليلون
لكن هعملفيه ايه
كل واحد حر
--------------
حد عنده أسئلة تانية بتبدأ بلو يضيفها ويجاوبها لو خيروك بين أن تستشهد في عملية أو ان تقوم بدور عظيم في اعادة مجد الامة ؟؟؟
حقيقة مع اني نفسي ومنا عيني الاولى
لكن أحتسب على الله تعالىأن الثانية أعظم أجرا
" ان الحياة في سبيل الله أصعب من الموت في سبيله " ابن باز
--------------
لو ماكنتيش بنت كنت عايزة تكونى ولد ولا بنت
ولا تتمنوا ما فضل الله به بعضكم على بعض
أنا أبقى بنت
ده أنا كان يجيلي النقطة
بفتح النون الموحدة الفوقية وتسكين المثناة الفوقية
---------أمرر لمين بقى
لأخي الكريم
طال الليل وام البنات
وأبو مفراح
والبقية لمن أحب أ نيأخذه لنفسه
وتحياتي .............
مرسلة بواسطة صيد الخاطر في ٥:٤١ ص
هناك ٣ تعليقات:
بارك الله فيك إجابات رائعة تقطر عزة بالإسلام وتقطر حبا للعلم وأهله
بس مش عارف انت ليه تجيلك نقطة لو كنت بنت مع إنهم عايشين ويمكن غالبا احنا اللي....
بس عجبني المدخل بتاع الرئاسة لكسب رضا الناس من خلال الاقتصاد وعجبتني أوي كلمة أضخها
أستاذي الكريم
حياك الله وأكرمك ونفع بك
وجزاك خيرا
والله بالنسبة لمسالة النقطة
بصراحة
أنا مقدرش أتخيل نفسي بنت أبدا
الحمد لله الذي جعلنا من الرجال
- مع ان اختي لو قرت الكلام جه هتعملي محكمة عدل دولية -
بس نظل نحن من لنا القوامة
المدخل الاقتصادي هو الحل
واطعم الفم تستحي العين
بس طبعا أنا مش هعمل كده
لسببين
أولا : عمري ماهبقى رئيس
ثانيا: انا لو عملت كده فانا بعمل كده للناس عشان ده حقهم ودي أكتر حاجة الناس يحسوا فيها بالفرق
خد مثلا أردوغان
اللي خلى غالبية الاتراك يعيدوا انتخابه هو وغول
تحسن الوضع الاقتصادي بشكل كبير جدا
وفك ارتباط العملة بالدولار وعدم احتياج البنك المركزي التركي للبنك الدولي
وكل هذا ل حسناته السياسية والاقتصادية
وأخيرا بجد جزاك الله خيرا ياشيخنا الحبيب
بص ياعم محمد
اولا احب اقولك السلام عليكم ورحمة الله وبركاته
واهنيك علي المدونة الجميلة ده اللي انا شرفت بزيارتها والتعليق فيها(وطبعا انت ليك الشرف اني دخلتها ) بس يلا مش مشكلة اصل الواحد مبيحبش يتكلم عن نفيه كتير
اه بخصوص التاج
اولا الشعب المصري ده مش شعب عظيم ده شعب غلبان شعب بياخد علي خده الايمن ويدير خده الايسر وبسرعةقبل ماللي بيضرب يزهق حتي الاعتصامات بقت موضة
لكن طبعا انا معاك اني كنت اتمني اني اكون اوروبي لكن مسلم لانهم شعوب منظمة تحترم الفرد وتقدره مش زينا نحترم حقوق الحيوان ونعظمه ونحتقر الانسان ونسحله
ايضا انا معاك انك تتمني تبقي رئيس اهو الواحد يتمتع شويتين بفلوس الناس مهو جدو مبارك بيتمتع بيها بقال26سنة وبرده حقك تركب بي ام دبليو لكن انا افضل الباسات طبعا انت عارف ليه
بالنسبة للطفل فانت جواك طفل ياعيني مكبوت وسعات بيطلع علي خفيفكده لكن طفل جميل ولذيذجداااااااااا
بالنسبة بقي للمريض فانا رايي انك تقوله لانك قلوق
بالنسبة لحكاية الانجاب فانا شايف انك اناني 3شويات لانها بتحبك وانت تقوم مستندل معاها زي عادتك يعني
لا انا سايف اني اصبر وربنا ان شاء الله هيكرمني ويرزقني واياك الذرية الصالحة قول آمين ويعافيني ويعافيك
ما تكون بنت ياعم ده انت حتي تبقي ينت عسوله
كفاية كده عليك واسفين لازعاج سعادتك وتحياتي
إرسال تعليق