صيد الخاطر: تقديس اوامر الشرع ونواهيه

الثلاثاء، ٦ مايو ٢٠٠٨

تقديس اوامر الشرع ونواهيه

بسم الله الرحمن الرحيم
الحمد لله وحده والصلاة والسلام على من لانبي بعده وبعد :

تقديس الاوامر والنواهي الشرعية

· هو ينفع اعمل كذا الناس هتقول عليا ايه
· ياعم الناس مش هتقول بس على فكرة الموضوع ده حرام
· ياعم بس سيبك قولييعني شكلي مش هيبقى وحش
# لا ياسيدي بس بقولك حرام
طيب ياعم خلاص عرفنا ماشي ماشي ..

حوار متصور بين اثنين يلخص الموضوع برجاء القراءة بتمعن لأهمية الموضوع

أو
لنقل
كثير من الناس لما يسال عن الجانب الشرعي يسال عنه لمجرد العلم لا العمل
بمعنى
الموضوع الفلاني ده حرام
بس الواحد هيعمله في السر مثلا
يبقى عادي

ياسيدي ربنا سبحانه وتعالى غفور رحيم

كل هذا الكلام أيها الاحبة يدل دلالة قوية وواضحة على عدم مراعاة الاوامر الشرعية
بمعنى

هو عرف الحكم بس المهم عنده الفائدة الدنيوية وكلام الناس وهل يصح ذلك عقلا وغير ذلك من الامور
التي يتناسى المرء منا الجانب الشرعي بجانبها

ياعم الربا حرام
ياعم يعني نعمل ايه يعني

ياعم الشغل في الكافتيريات والفنادق اللي بتقدم خمرة حرام
ياعم هو فيه شغل وقلنا لا
ولو استمع الى الاثر الوارد " ومن يستععف يعفه الله ومن يتغن يغنه الله " لكان خيرا واشد تثبيتا

ياعم اظفر بذات الدين
طيب ياعم مهو مش حرام برضه الواحد يختار واحدة جميلة
ياعم مقولناش حرام بالعكس بس الدين مش بيكتفي بالجمال والتدين الشكلي
ياعم خلاص مهي متدينة وبتلبس حجاب
وهو انتى بتسمي ده حجاب
ياعم المهم هي قدام الناس محجبة

هذه صور متداخلة ومختلفة نقابلها كثيرا ويقع فيها البعض

بل حتى بعض الملتزمين يتناسى الجانب الشرعي ويتعلل بالرخص التي توقعه في غالب الاحيان في محظور او ممنوع

ايها الاحبة هذا امر خطير جداجداجدا
ينبغي علينا ان نتنبه له جيدا
وان نجعل الشرع هو الفيصل في قراراتنا وحياتنا واختياراتنا
فاصبح دخول النار بالنسبة لكثير من الناس امر سهل

ومن السهل لديه ان يسمع كلمة حرام
وفي نفس اللحظة
يقترف الذنب

كلنا ذوي ذنوب
لكن اقصد ما عاد لكلمة حرام أو هذا الذنب عقوبته كذا عند الله تعالى لها وقع على نفوس الناس لهذا قست قلوبنا
انظر للناس عندما نتحدث عن عقوبة الربا " درهم ربا اشد من ثلاثٍ وثلاثين زنية "أخرجه أحمد (5/225 ، رقم 22007)
قال الهيثمى : رواه أحمد والطبرانى فى الكبير والأوسط ورجال أحمد رجال الصحيح
يسمع الناس هذا الكلام ثم يذهبون الى البنوك الربوية ويرابون غير مبالين بالعقوبات
ولست اعلم تفسيرا لهذا غير ان هذا استخفاف باوامر الشرع وعقوباته
أو انهم يظنون ان هذا الشرع ليس لهم

نسال الله تعالى ان يقيم لشرعه المهابة والخشية في قلوبنا
هذا والله ايها الاحبة راس كل بلاء

ولهذه المسالة طرف آخرمهم جدا جدا جدا
وهو عندما يترك احدنا المعصية
لماذا يتركها
هل يتركها فعلا لله
قليل ما تجده يفعل ذلك – والله اعلم بمن يفعلها لله تعالى-
تجد الغالب يتركونها من اجل انه لا يصح ان يرى وهو يفعل هذا
أو يترك معاكسة البنات ..عشان له اخوات بنات أو أو ..
ترك المعصية جميل
لكن لمن تتركها
فكر جيدا
وجدد نيتك في ترك المعصية

ولكم جميعا تحياتي
وبالله عليكم ادعولي اتعيييييييييييييييييييييييين

هناك ١٢ تعليقًا:

إخوانى مخربش يقول...: بص يا صيد الواضح انك بدأت تخش فى المخاطر

انا عايز بس اعلق على موضوع الملتزمين

فى نوع اخر من الاستخفاف باوامر الشرع وهو الكسل او عدم السؤال

يعنى ممكن تلاقى اخ المفترض انه يتحرى الحلال والحرام فى ادق الاشياء يفعل افعال واعمال روتينيه او حتى عابرة ولا يكلف نفسه بمعرفة الحكم الشرعى لها; ٦ مايو ٢٠٠٨ في ١٢:٣٩ ص
ammola يقول...: يارب تتعين.. يارب تتعين.. يارب تتعين
هى حكاية شكلى ايه أدام الناس اللى بجد خطيرة جدا ولابليس فيها تلبيسات كتيرة..يعنى مثلا ممكن يقول للواحد"ما هو انت عارف انه حرام ومضطر تعمله..أعمله بس فى السر علشان الناس ما تقولش أنك ملتزم نص كم"يعنى ييجيلك من باب استر نفسك يا مؤمن..طيب ما هوالاولى انى ماعملهوش خالص والا كده باعرض نفسى انى اتعرض لمقت الله لاستهانتى بمحارمه فى خلوتى وفى سرى..والله الواحد بيقول الكلام ده وهو حالته أصلا ماتسرش لا عدو ولا حبيب..ربنا يسترنا دنيا وآخرة ومش حاقدر أكمل كلامى لانى ما ينفعش أنصح حد; ٦ مايو ٢٠٠٨ في ٤:٤٧ م
آفاق الحرية يقول...: السلام عليكم
والله ياعم محمد عندك حق
بجد الموضوع جميل
لكن هناقشك في شوية حاجات
كونه يترك المعصية لمجرد خوفه من الناس وكلامهم ده بداية كويسة جدا لتجنب المعاصي وكثير منا كذلك
لكن دورنا هو التوعية يعني انت الحمد لله بدأت تترك المعصية الفلانية من اجل اجتناب كلام الناس
كويس جدا وده كرم من اللخ عزوجل
طيب ما تتركها كمان خوفا من العلي القدير
وبالمرة تاخد ثواب
وهكذا
ولا ايه راي معاليك؟؟; ٦ مايو ٢٠٠٨ في ٨:٥٥ م
غير معرف يقول...: احنا واخدين الدين مظاهر والاهم بالنسبة لنا المنظر ادام الناس; ٦ مايو ٢٠٠٨ في ٩:٢١ م
عصفور المدينة يقول...: يابني أحبك في الله; ٧ مايو ٢٠٠٨ في ١٢:٥٨ ص
صيد الخاطر يقول...: أخي الحبيب المخربش
كلامك صحيح يافندم
بل حتى بعض الاخوة العاملين في حقول الدعوة ان قاموا بعمل لايكلفوا انفسهم لمعرفة شرعية مايفعلون

لعل هذا من قبيل كلامك; ٧ مايو ٢٠٠٨ في ١:٣٥ م
صيد الخاطر يقول...: الاخت امولة
والله معاكي حق ابليس له في هذا الامر مدخل خطير

وهو من عدة جهات
أولا: يجعلك تخافين الناس ولا تخافين الله تعالى نسال الله تعالى العافية

ثانيا : يجعل الانسان يخلو بمحارم الله وينتهكها

والله فعلا الواحد بيتكلم وهومن اكثر خلق الله معاصي
ربنا يسترنا

وجزاكي الله خيرا على دعائك الطيب
ربنا يتقبل
شكرا لمرورك الكريم; ٧ مايو ٢٠٠٨ في ١:٤٢ م
صيد الخاطر يقول...: والله ياحمام كلامك حلو
ومفيش مانع

بس المسالة هنا ملتبسة عليا

هل تقصد ان في فاضل وافضل
أو صواب واصوب

لعل هذا يجوز عقليا

والله اعلم هل يكتب له ثواب الترك

لكنه لم يتركها من اجل الله تعالى

الله اعلم
ولا حرج على فضل الله تعالى; ٧ مايو ٢٠٠٨ في ١:٤٧ م
صيد الخاطر يقول...: أستاذة هند هنادي

والله معاكي حق
وهو ده بالفعل اللي كنت اقصده من التدوينة
اننا اصبحنا بترك ونفعل من اجل الناس لامن اجل الله تعالى

اسعدنا مروركم; ٧ مايو ٢٠٠٨ في ١:٤٩ م
صيد الخاطر يقول...: شيخي الغالي واستاذي الاثير والحبيب الى قلبي

وانا والله احبك في الله
ولو تعلم معزتك عندي

حفظكم الله ابا يحيى; ٧ مايو ٢٠٠٨ في ١:٥١ م
عاشــــــ النقاب ـقــــة"نونو" يقول...: السلام عليكم
الحقيقة الاستخفاف والتسخيف منن الاوامر الشرعية اصبح بلاء علينا
وللاسف بقى الواحد بيسمع ما هم كلهم بيعملوا كدة جت علي انا
وكان البني ادم بقى فرض عليه يبقى امعةربنا يعافينا يارب ويؤاخذنا بما فعل السفهاء منا
تدوينة هايلة ربنا يبارك فيك
وشرفت مدونتي واتمنى دوام التواصل
تحياتي; ١١ مايو ٢٠٠٨ في ٨:٢٢ ص
صيد الخاطر يقول...: الاستاذة نونويمم
مش عارف بصراحة الاسمكده صح ولا لا
شرفتينا يافندم
والله معاكي حق

فعلا الناس بتتخذ افعال اخرين حكم على افعالهم بحيث ان فعله الناس يجوز فعله

بل ربما يتفلسف البعض ويردد القاعدة الفقهية التي تقول
المعروف عرفا كالمشروط شرطا

تحياتي لحضرتك ونتمنى التواصل; ١٣ مايو ٢٠٠٨ في ١:٤٣ م