الخميس، ٣٠ أكتوبر ٢٠٠٨
حرب الحكومة على الاسلام طالت فضائيات السلفيين
حمي حرب الحكومة على كل ماهو اسلامي طالت السلفيين
بسم الله الرحمن الرحيم الحمد لله وحده والصلاة والسلام على من لانبي بعده وبعد
لايخفى على احد من حضراتكم التوجه الحكومي لمحاربة كل ماهو اسلامي شمولي
بمعنى مواجهة أي منبر يدعو الى الاسلام بشكله الشمولي
لنكن صرحاء اكثر
فلا يتبنى هذا الخط في مصر والعالم العربي عموما الا الاخوان
ومعلوم ايضا حرب الحكومة على كل ماهو اخوان حتى ولو كان لمجرد عمل الخير
وانا في مقالي الصغير هذا احاول قراءة غلق الحكومة لقناتي الحكمة والبركة وقبلهما الحوار
الكل يعلم ان قناة الحوار اغلقت لاستضافتها قيادات الجماعة وتوجهاتها الاخوانية الواضحة
ولان الدولة تملك او لها كلمة على شركة النايل سات
اجبرتها على اخراج الحوار من نطاق بث النايل سات
اما الغريب في الامر هو ان تطال هذه الحرب القنوات ذي التوجهات السلفية الحكمة والبركة
ومعلوم لدى الجميع ان السلفيين فيما يتعلق بالعلاقة بالنظام يتعاملون بمسالمة تامة فلاحديث عن سياسة او انتخابات ونحو ذلك
ولست هنا في صدد الحديث عن ذلك
ولكن ان تتوجه الحكومة لهذه القنوات تارة بالتضييق على الضيوف وتارة بالغلق
- وان كانت الحكمة قالوا انهم لم يسددوا قيمة الاشتراك لشركة النايل سات –
هذا الامر في وجهة نظري له دوافع لعل من ابرزها باختصار
- اولا : استغلال الاخوان بذكاء شديد لهذه المنابر ومحاولتهم الظهور فيها وبث رسائلهم عبرها
لأن خط القنوات السلفية نسبيا خط آمن من ناحية االامن
- ثانيا : التوجهات الحاصلة في مسيرة بعض القنوات والتي اعتقد انها توجهات تصحيحية نسبيا
فبدأوا يتحدثون عن غزة وعن حملات فك الحصار وبدأوا يتحدثون عن التدخين وموافقتهم لحملة عمرو خالد ..
- ثالثا : من هذه التوجهات ايضا نوعية الضيوف الذين يحاضرون بعد ان كانوا أي مشايخ والسلام
بدات العملية نسبيا الى التركيز على مستوى معين لارسال رسائل معينة
- رابعا وهو لاهم والاقوى في وجهة نظري : كره هذا النظام لكل ماهو اسلامي ومحاربته له
فلايخفى على احد كم التاثير الشعبي الرهيب الذي احدثته قناة الناس وبقية القنوات جزى الله اصحابها خيرا
ولا ينكر احد رغبة الحكومة بابقاء لشارع المصري غارقا في اوحال الضلالات والخرافات
بقصد ابعاد الناس عن دين الله عموما
- خامسا : التزام الحكومة بالاتفاقيات الامريكية التي تتلخص في محاربة الاسلام واشكاله ومظاهره
-
هذا والله اعلم تفسير بسيط ومحاولة لاستقراء بعض اسباب محاربة الاسلام
اختصرت بشدة ولو استجد شيء من امور او تفسيرات سأضيفها بإذن الله تعالى
امر آخر
دخل الى عالم المدونين فرد آخر من عائلتنا
وهو محمد ابن عمي ومدونته نابضة بالامل واسمها من وحي الامل
Alsafori.blogspot.com
شكرا لكم والسلام عليكم ورحمة الله وبركاته
هناك ١٤ تعليقًا:
بجد موضوع مهم وجديد يا حمام وربنا ينفع بك الامة الاسلامية وجزاكم الله خيرا على نشر المدونة عندك
بسم الله
اوافقك الرأي تماماً وخصوصا في ان الحكومة تبغض وتحارب كل ما هو اسلامي مع الوضع في الاعتبار ان تسخر ما تريد لخدمة مصالحها في المقام الاول
وانا اظن ان الحكومة لو رأت اي خطر عليها او ضدها من قبل الاخوة السلفيين فانها ستعاملهم مثلما تعامل الاخوان من تضييق ومحاربة وخلافه
جزيت خيرا
جميل
بالتاكيد هم اذا شعروا باى خطر جاى من اى كائن كان
هيتصدوا ليه
مشكلتهم مش مع حد بعينه
بس مع اى حد بينازعهم ويحسوا من بالخطر
بس يا عمى كنا منتظرين منك بوست حركات
:)
ايه لحقت نفسك ولا ايه
:)
منتظرين البوست ده
بسم الله
تحليل طيب سيدي أوافقك عليه
باركك الرحمن
المشكلة مش فى سلفى او اخوانى
المشكلة اى حد يعترض طريقهم حتى لو كان هيفاءوهبى حيتصدوا ليه
وده ديدن الطاغية صاحب المصلحةفى اى زمان ومكان
وبعدين السلفيين برضة بينوبهم م الامن جانب يعنى مش على راسهم ريشة ولاحاجة
:)
امبارح الشيخ الحوينى-ربنا يحفظه ويبارك فى علمه وصحته-على قناة الناس دخل شمال شوية فى الناس اللى بتتجرأ على السنه وبيفتوا فى علم المصطلح بغير علم...ربنا يستر ومايقفلوهاش هى كمان ويقولوا اصل الناس دى دقنهم بتشوكنا
:)
حكومتنا تحارب كل ماهو شريف كل ماهو عايز يعمل خير
خير مثل قدامى
قايمه الاخوان وقايمه مجموعه من الولاد عاملين منتدى جميل جدا لكليتنا بشتغل معاهم فيه ايجابين
لاهم اخوان ولاغيره
وبرضه اتشطبوا من الانتخابات عادى جدا
رغم وجودم بالاتحاد السنه اللى فاتت لو عملوا انتخابات فى فرقه واحده
الشاهد انهم بيحاربوا اى حد ليه صوت
جزاك الله خيرا على التوبيك الجميل ده
محمد ولد عمي
جزاك الله خيرا ياجميل
احمد بسيوني
صدقت في كلامك
فعلا الخطر لو جاء من قبل اي احد
جعل عددوا
شرفتني
امام الجيل
ربك يسهل
هبقى اقرا البوست بتاعك تاني
واحاول اعيش الجو واكمل كتابة
براهيم
حياك الله اخي الكريم
نورتني
والله يااستاذة امولة صدقتي
ربنا يستر وميقفلوش قناة الناس
وبعدين معاكي حق برضه في موضوع اي حد بيعارضهم
وان كنت اخالفك في ان السلفيين بيتعرضوا او بينالوا من الحب جانب
:(
عاشقة لاقصى
انت محقة في كلامك
فهم يرديون نعاجا بلا عقول
الله يرضى عليكي لو في لقاء لمدوني المحلة تاني ياريت تبلغيني
هو أي حد بيقول : الاسلام نظرية وتطبيق ؛ يبقى معادي للبلد دي ..
مش عارفين هنوصل لفين مع الناس دي !
الله المستعاااااان
والله ورسايلك بقت بتوصل بلغات كتير طيب ابعت لى اترجم لك على العموم انا فى الخدمة والرسالة بدايتها كويس
إرسال تعليق