صيد الخاطر: قتلتني الشائعات

الثلاثاء، ١ أبريل ٢٠٠٨

قتلتني الشائعات

بسم الله الرحمن الرحيم
الحمد لله والصلاة والسلام على رسول الله وآله وصحبه ومن اهتدى بهداه ثم اما بعد
قتلتني الشائعات

كتبت في الموضوع السابق والذي كان بعنوان من ذاكرة التاريخ
عن موضوعي الذي كتبته في صغري " تسويق الكذب "
والحقيقة لعل مجموع القراء الكرام لم ينتبه الى مقصدي من وراء ايراده
أو لنقل تحدث عن الكذب فقط
ولم ينتبهوا الى مجمل معنى الكلمة
فحديثي ايها الاكارمكان على الشائعات وكيف هيا خطيرة لدرجة جعلت رسول الله صلى الله عليه وآله وسلم يجعلها من علامات قرب الساعة

دعوني احدثكم هذه المرة بعيدا عن عالم الارقام والفصاحة
بالفعل قتلتني الشائعات
أذكر هنا بعض مواقف تعرضت أنا –شخصيا – خلالها لجو من الشائعات حقيقة كاد أن يقتلني
من المواقف :
أثناء الانتخابات البرلمانية السابقة ووضع الحركة الاسلامية فيها وما تدبره الحكومة لها من الاعيب ومقدار التاييد الواسع أو البسيط في كل منطقة عن الاخرى
كل هذه الامور كانت تتناولها السنة الناس كل من سمع كلمة ينقلها وعليها حواشيييي كثيرة من زيادات ثقات وتفردات وأوهام ثقات – دي الفاظ عند المحدثين !! الفن بيغلب على صاحبه
المهم
كل واحد يزود في الكلام مايروق له وربما يختلق البعض قصة وكلها شاااااائعات
واذكر هنا نصيحة اخ حذرني قبل دخول موسم الانتخابات وقال لي لاتسمع لأحد من الناس لا من ابناء الحركة ولا من غيرهم ولا تاخذ الا ما ياتيك بصورة رسمية
حقيقة لم اعر لكلامه اهتماما ولكني لما وقعت في بحر الشائعات عرفت حقا ان كلامه كان صائبا

موقف آخر :
حينما كنت في الليسانس في الكلية كنت هناك انباء واردة أن التراكمي سيطبق وتاني يوم ترد انباء ان التراكمي لن يطبق وانا بين هذه وتلك ارجو الله تعالى الا يطبق خصوصا واننا علمنا به في آخر سنة
-مع اني الحمد لله جميع السنوات امتياز ماعدا اولى جيدجدا – لكني لم احب ان يطبق التراكمي
وانا في حريقة في اعصابي بسبب الشائعاات
وحذرني صديقي محمود أكثر من مرة أن أتبع الشائعات وقال لي لا تسلم ذهنك لها
حقيقة بعد ان اهلكتني نفسيا وعصبيا واثرت على مذاكرتي

أيها الاحبة الشائعات مرض حقيقي وموجود في المجتمع ولعل كلنا مصابون به
وسبحان الله من خلال دراستي وتخصصي في علم الحديث تعلمت درسا مهما جداجدا لعله في نظري ابرز علاج لمشكلة الشائعات
وهي التيقن من المصدر القائل
والتاكد من قوله للكلام ان أمكن
وان لم يكن ذلك ممكنا فلا تاخذ الحديث الا من ثقة
وان اخذته من غير الثقة فليكن لك عقل تميز به صحيح الكلام من ضعيفه
نسال الله تعالى أن يهدينا لما فيه الخير والصواب
أيضا هناك امر آخر
وهو ان تتاكد أنت من موضوع الشائعة بنفسك من مصادر موثوقة أو عن طريق البحث عن الموضوع من المصادر

فلا ينبغي مثلا ان نأخذ معلوماتنا من التلفاز هكذا من البرامج العادية أو مثلا من الرسايل الدوارة
واذكر ان المهندس محمد – عصفور المدينة – قد ذكر هذا في تدوينته الرسايل الدوارة

هناك ١٥ تعليقًا:

محمد عبد الرحمن يقول...: حبيبى يا بو حميد

بس سؤال على الهامش هو الناس اللى بتروج الإشاعات دى مرضى ولا بيحبوا يظهروا بمظهر العالم ببواطن الأمور وكدة برضة مرضى
ولا بيتكبروا يكونوا مش عارفين ودة مرض برضه
الإحتمال الأخير عندى يكونوا مغرضين
ودة برضه مرض
معلش بقى التخصص بيحكم

تدوينتك دى فهمتنى اللى قبلها عشان مفهمتش عشان كدة معلقتش; ١ أبريل ٢٠٠٨ في ٤:٠٩ ص
شهيدة يقول...: شقيقي العزيز ..

للتوضيح وسلامه القراء فقط .. المثال الاول الذي ذكرته .. شرحك له لم يكن وافيا .. يعني اللي من برا الحركة مش هيفهم حاجه :)

اما الموضوع في حد ذاته ..

فداء البشر لسانهم .. بعض الناس لا يحسنون الا الكلام :) مقصدش الكلام اللي بيطلع بعدها هو الصح ( ماشي يا دكتور )

اقصد الكلام بدون هدف ولمجرد قتل الوقت

او اختلاق اكاذيب من باب " ان لم اجد شيئا اذكر به فليذكرني الناس بالشر "

عموما الفراغ افضل وسط تنتقل فيه الشائعات بدون مقاومه " الفن بغلب على صاحبه برضو :) " ..

وعليه فالفارغين اكثر مروجي الشائعات خاصه النساء عندما ينتهون من اعمالهم فيتسلموا زمام الامور . والله يتولى المجتمعات

سلمت وغنمت وبورك فيك; ١ أبريل ٢٠٠٨ في ٤:٤٣ ص
غير معرف يقول...: الشائعات وراها ناس فاضية بترددها بيبقى همهم اما جس نبض او فهمت الموضوع غلط وفى حالة الانتخابات بتبقى مدفوعة الثمن; ١ أبريل ٢٠٠٨ في ٥:٢٦ ص
مشروع انسان يقول...: :)
افتكرت كانوا مطلعين عليك شائعات

ربنا يسلمك من كل سوء

الشائعات دى مرض للاسف اصاب الشعب اللذيذ ده واستشرى فيه بشكل فظيع
مجرد حد يسمع شئ لازم يضيف عليه
او ينقله دون تاكد

عشان يعنى مش لاقى حاجة يقولها فيقول اى كلمة سمعها وخلاص
دون التاكد من المصدر وده صح او خطا

سبحان الله
ربنا يسلمنا; ١ أبريل ٢٠٠٨ في ١١:٤٩ ص
دكتور حر يقول...: تعليقا على التعليقات
- المثال الأول فعلا غير واضح كما قالت شهيدة
- هو شهيدة أختك ولا ايه ؟
- أنا مع امام الجيل في اني فهمت العنوان بكده برضه

**************
تعليقا على الموضوع السابق وقصته

موضوع محزن حقا ان الواحد يكتب موضوع ويلاقي الناس بتعلق في واد آخر
لكن ده يلفت انتباهك انك تاخد بالك يا عمنا من الصياغه وتراجعها وتقراها وتشوف الناس ممكن تفهم ايه

**************
تعليقا على الموضوع بقى
:)
الشائعه كلمة بسيطه خالص
ممكن نعملها انا او انت في أي وقت

والواحد كان بيستمتع لما بلاقي أول خط الشائعه بيتعمل قدامي
وكنت بموت من الضحك
وفي ثواني كنا بنقول شوف الناس عبيطه في النقل ازاي
وعملية بسيطه خالص
لكن العيب مش في اللي بيعملها
العيب في اللي بيماشيها ويجري وراها
وميتبينش ولا يتثبت

ويتابع النشر
يعني
ممكن يقول الناس انا هقولك على اشاعه احسن
:)

ربنا يحفظنا ويبعدنا عنها

وتحياتي ليك يا حبيب
ونلقاك على خير; ١ أبريل ٢٠٠٨ في ١٢:٣٤ م
آفاق الحرية يقول...: محمد بيه
والله انت عارف ان الصدأبيملأ الحديد بمجرد تفاعله
برده الفن يغلب علي اهله
ههههههههه
يعني بمجرد اننا نسمع شائعة كنت اتمني ان المتحدث ينقلها كما سمعها
بل طبيعة المصري الشهم تغلب
فتجده يزود حته من عنده وحتة من عند الجيران
شهامة ولاد البلد وجدعنتهم بقي هنعمل ايه
ولا ايه؟؟؟؟; ١ أبريل ٢٠٠٨ في ٣:١٨ م
ابن حـجـر الـعـسـقـلانـى يقول...: الله عندك حق .. طرق التثبت من الأحاديث و أحوال الرجال و ما إلى ذلك من علوم و وسائل فى التفكير لازم نطبقها بشكل أو بآخر على أخبار كتير بنسمعها

يعنى نتأكد من مصدر الخبر و مين اللى نقله .. و طبيعة الخبر نفسه .. و هل أحد النقلة ممكن يكون صاحب مصلحة أو هوى فى الخبر و لا لأ .. لازم نبرمج دماغنا إنها تفكر بالأسلوب دة .. بنفس أسلوب علماء الحديث فى التثبت من الأخبار .. بل فى جوانب كتيرة من حياتنا

بصراحة أسلوب علمى رصين فى التفكير .. بارك الله فيك يا أخى صيد الخاطر و نفعك بما علمك; ١ أبريل ٢٠٠٨ في ١١:١٢ م
صيد الخاطر يقول...: حبيبي دكتور محمد
والله كل اللي انت قلته جائز
وممكن يكونوا عاوزين يتلكموا على الفاضي والمليان

وممكن يكونوا عاوزين يبلبلوا المجتمع

بص مثلا لاشاعة مرض الرئيس
في يوم لجمهورية كلها كانت بتتلكم بيها; ٢ أبريل ٢٠٠٨ في ٤:٣١ م
صيد الخاطر يقول...: شهيدة
هتقوليلي على الستات
ياخبااااااااااااااااااااااار
دول فظااااااااااااااع
ربنا يكفينا شرهم
ومعاكي حق الفراغ يولد نشاط سلبي
وحلوة أوي حتة الفن بيغلب; ٣ أبريل ٢٠٠٨ في ١:٣٢ ص
صيد الخاطر يقول...: الاستاذة هند
معاكي حق والله
بالذات في ايام الانتخابات
فعلا بتبقى الشائعات مؤذية جداجداجدا

شكرا لمرورك الكريم; ٣ أبريل ٢٠٠٨ في ١:٣٥ ص
صيد الخاطر يقول...: تعرف ياخ محمد
انت معاك حق ان الشعب فعلا بينشر الشائعات
أنا بقول اما لتعطشه لأي جديد في اي شيء
وليكن هذا الجديد ما يكونه

وبعدين تسلملي اخي الكريم
انا عايش الحمد لله في فضل االله; ٣ أبريل ٢٠٠٨ في ١:٣٧ ص
صيد الخاطر يقول...: صديقي العزيز والاثير الى قلبي
تعليقي على تعليقك على التعليقات
فعلا قال لي اكثر من واحد ن المثال غير واضح
مع ان ياخي انا فاهمه كويس جدا

ثانيا : شهيدة أختي ياسيدي
ظننتك تعرف

ثالثا : تسلملي حبيبي انت وامام الجيل

تعليقك على الموضوع السابق
ممكن فعلا كان لازم أوضح
بس برضه الجمهور ياخد باله من بواطن ومدلولات الالفاظ

بالنسبة لموضوع اليوم
والله معاك حق
فعلا الشائعة دي ظاهرة غريبة
خصوصا فلا لو انت منشا الشائعة
اصلي عارف الوضع بيبقى ازاي
حصلت أمامي فعلا; ٣ أبريل ٢٠٠٨ في ١:٤٣ ص
صيد الخاطر يقول...: حمو
هلا والله
انتم وسهراتكم وطلعاتكم ونزلاتكم
يابني ورانا مذاكرة

معاك حق ياعم سيخ الحديد
قصدي ياعم محمد

بقولك ارميلي بقى بالمرة عمودين في المدونة أصلي شايفها مهزوزة ومش مستقرة; ٣ أبريل ٢٠٠٨ في ١:٤٧ ص
صيد الخاطر يقول...: أخي الكريم م محمد ابن حجر
حييت وبورك فيك
ونفع الله تعالى بك
فعلا
التثبت أمر مهم
" فتثبتوا "
أسعدتني بتواجدك; ٣ أبريل ٢٠٠٨ في ١:٤٩ ص
مدون على الطاير يقول...: واللة يا حمام موضوع الشائعات دة اصيل ومتاصل فى الشعب المصرى يعنى الواخد من دول بتوع الشائعات والمروجين ليها يقوم من النوم الصبح يضرب طبق الفول ويحلى بالاشاعة حاجة كدة زى ما تقول تعود اة واللة والحل ليها فعلا هو ان انت تخرج اللى قالهلاك وتحاول تسالة عتها وعن كل حاجة فى الخبر لحد ميزهق ويحلف ميلكش حاجة تانى اة من خق اسمى منور المدونة بتاعك يلا يا عم سلام; ٣ أبريل ٢٠٠٨ في ١٠:١٩ م