السبت، 19 يوليو، 2008
امتحانات الدراسات العليا
بسم الله الرحمن الرحيم
الحمد لله الذي اذهب عنا الحزن ان ربنا لغفور شكور
خلصت الامتحانات بعد حداشر امتحان خلصت اممتحانات
طبعا فاضل الشفوي بعد النجاح باذن الله تعالى في التحريري دعواتكم
اول مرة احس اني طالب مش متفوق طالب عادي
أدخل للجنة وانا في جزء لسه محخلصتهوش أو ادخل وفي جزء مهزوز
والله وراحت ايام العز والمذاكرة والاوائل والذي منه
في الدراسات العليا لاتفكر فقط الا في النجاح
وربنا يكرمك وتنجح
فــــ
أن تجد الدكتور يقول كلاما في المحاضرات عن سهولة الامتحان وقصر حجم المادة ... الخ
وتج في الامتحان عكس ذلك تماما
وان سالته يقول لك " أنا قلت كده !!!!!!!!!!!1"
فهذا شيء عادي
أيضا ان تجد حوالي نصف الامتحان من بره المقررات فهذا شيء أيضا عادي
أيضا
أن تجد نفسك بعد مادة من المواد اللي جه فيها نصف الامتحان من بره المقرر
تضحك بطريقة هستيرية انت وكل زملائك بلا استثناء فهذا أيضا لاغرابة فيه وشيء عادي
أيضا ان تفاجأ بشيء ما مقرر انت لم تعرف عنه شيء فهذا شيء عادي برضه
أن تجد الدكتور يحرق دمك ودم اللي جنبك واللي وراك واللي قدامك وكل اللي حواليك .. الخ فهذا برضه شيء عادي فقط من اجل انك تناقشه
أيضا ان تكتب اجابات وحاجات كتير ومتعرفش انت بتكتب صح ولا غلط فده برضه عادي في الدراسات العليا
بس تعرفووا ياخواننا احلى حاجة في الامتحانات السنة دي
انك بتالف تألأيف على مستوى عالي
أنا مش مذاكرتش
الحمد لله ذاكرت قدر ما سمح لي الوقت
لم تكن الامتحانات بهذا السوء البالغ
بل كانت في حد المعقول الا بعض المواد وربنا يتسرها
باعتراف الجميع اصعب دراسات واصعب قسم في جامعة الازهر كلها قسم الحديث وعلومه
عجبتني اوي كلمة لأخ فاضل كنت بدردش معاه فسالني فاخبرته عما اخبرتكم عنه آنفا
فقال لي : انتم خدام السنة ولا بد لكم من ان تتعبوا لكي تحصلوا هذا الشرف فما كل احد يستطيعه
ترقبونا في الموضوع القادم
التغلغل الشيعي في مصر
تحياتي لكم جميعا
وعذرا لعدم متابعتي للمدونات والردود .. الخ
ولكن باذن الله نتابع ونرد
23 التعليقات:
ربنا يعينك يا عسل
وخير ان شاء الله
مدام عملت اللى فى وسعك
ربنا هيعينك
وان شاء الله خير
السلام عليكم
وفقك الله يا أخى, ان شاء الله كله ميسر بأمر الله
و فى انتظار موضوع المد الشيعى, أنا ايضا كنت أفكر فى الكتابة عن هذا الموضوع لأن الموضوع خطير و لا يجب الاستهانة به
حفظك الله و وفقك
الله معاك يا أستاذنا
انتم فعلا خدام وحمله السنه
فبربنا يوفقك وتنجحوا بتفوق
اللى حضرتك بتقول عليه ده بيحصلنا واحنا لسه بنقول ياهادى
بجد انا بسعد اوى لما بلاقى ناس من الأزهر مازالت تحمل هم هذا الدين
لان الأزهر هو المناره التى كانت يخرج منها كل طيب فى كل المجالات
عسى تكون عودته على أيديكم
تقبل تحياتى
السلام عليكم
ربنا يعينك يارب وينجحك
وفي انتظار التدوينات الجامدة
تحياتي
هنيئا لكم بخدمة السنه
بالنجاح ان شاء الله
نسألكم الدعاء
ربنا يوفقك ويعينك
التغلغل الشيعى فى مصر!!؟
يبدو أنها ستكون عودة قوية ان شاء الله
فى انتظار تدوينتك
بارك الله فى وقتك ويسر لك الصعب
بسم الله
مادام ربنا اكرمك وخلصت
ادعوا لاخوك اللي لسه مزنوق اوي
دعواتك
تحياتي
نسيت اقولك
انا كنت تعرفت عليك قبل كده مرة على الماشي ايام الكلية
في احدي الفعاليات من اللي انت تعرفها
عموما ايميلي هو
ana_elbahr2006@yahoo.com
اتمنى الاضافة
تحياتي
أنا مش جاية ازور
أنا جاية اعاتب
وبس...
السلام عليكم
ربنا يوفقك ياسيدي وبقولك ايه بدل التعب ده كله حولي تجارة وليك عليا اوصي عليك عشان تنجح
ولو شيلت حاجة في تيرم ممكن نميشها لك
والله الموفق
والسلام
يا الله ............
ان تكتب اجابات وحاجات كتير ومتعرفش انت بتكتب صح ولا غلط فده برضه عادي في الدراسات العليا
كأنى بتكلم ؛ بجد فكرتنى بامتحانات سنة أولى ؛
تانية أحلى بكتير ؛ ومنظمة شوية عن سنة أولى ؛
أقله بنكون فهمنا النظام ايه ...
يلا ... ألف ألف مبروووووووووووووووك يامحمد وعقبال الشفوى ....
حبيب قلبي امام الجيل
واياك ياجميل
الحمد لله خلصنا وكله بفضل الله كويس
مسلم من مصر
بارك الله فيك اخي الكريم
والله الموضوع مهم ومحتاج مننا انتباه كامل
وحذر شديد
اكتب ولا تتردد
نورتني
عاشقة الاقصى
ربنا يحفظك ويجزاك خير
شكرا لك على كلامك الطيب
ونسأل الله تعالى ان يجعنا بحق من حملة هذا الدين
وهقول لحضرتك حاجة تعب كلها الحياة
الاستاذة نونو
والله اسعدتني زيارتك
دعواتك ياام يوسف
دعوة الفردوس
اكرمك الله
شكرا على الزيارة
أستاذة جانا
والله من زمان وماشفناك
دعواتك وانتظرينا قريبا باذن الله تعالى
أهلين ياخ أحمد
موفق باذن الله هضيفك ونبقى نتكلم سوا باذن الله تعالى
أمولة
ههههههههههههههههههههه
والله العظيم انا كنت بتابع المدونة على طول
كل اسوبع مرتين او تلاتة
انتظر انك تنزلي موضوع جديد
المهم
لعلك بخير ان شاء الله
حبيبي اليعقوبي
والله وحشني
سلملي على اخيك
ودعواتك ياعسل
والله فكرة بيقولوا تجارة سهلة
دعاتك ياصاحبي
امل غنيم بحالها هنا
والله انا مش مصدق نفسي
يابنت الحلال ارجعي للتدوين الله يرضى عليكي
اولى بهدلة
بس باذن الله تعالى تانية تبقى كويسة
دعواتك وسلميلي على احمد
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
إرسال تعليق